周潤發、鞏俐同周杰倫等主演嘅電影《滿城盡帶黃金甲》會喺聖誕檔期上映，日前北美版宣傳海報首度曝光。張海報好有70年代懷舊味道，但淨係見周潤發同鞏俐大半身，身穿黃金甲嘅周杰倫得個背脊。至於由舒淇主演嘅韓片《我老婆係大佬3》另一款海報都出咗，舒淇以大露背晒紋身示人，令其他演員變晒陪襯品。