日前張栢芝同奶奶狄波拉終於打破僵局，坐低食飯。噚日謝霆鋒接受商台電話訪問時，就否認呢餐係擺和頭酒，佢仲話之前所謂嘅「不和」，其實係佢自己嘅疏忽、媽咪嘅誤會，絕對唔關老婆仔事。問霆鋒係咪因為栢芝有咗，所以拉姑先對佢特別照顧？霆鋒話：「我都話唔係有咗，講極都唔信，如果第時我唔回應就應該係真係有喇（BB）。」
