【本報訊】教統局局長李國章，昨仍不願意表示何時將學券制文件，上呈立會財務委員會討論，揚言學券制若趕不及在今屆政府內處理，命運如何未可掌握：「我只係知呢屆政府07年6月30日完結，我唔知道下屆政府點（處理學券制）。」
多名立法會議員批評李國章霸道，企圖要立法會及幼稚園界屈服。
李國章稱，教統局將繼續堅持學券制五大原則，但幼稚園教師薪酬及幼稚園所獲的利益，非學券制應顧及的範圍。他說，推行學券制政府需要每年在幼稚教育界額外投放20億元，「𠵱家有啲人同意，有啲人不同意，總體來說大家也認同這是好事。但有啲立法會議員話我哋無諮詢，作為負責任既政府應再作諮詢。」
被問及學券制是否無了期押後，李國章激動地說：「我唔係無了期押後，如果係咁講，對我非常之唔公道！」
稱遭議員迫害
他批評幼稚園界要求不合理，呼籲他們反省，「佢哋要保護老師薪酬，我哋唔可以接受。咁我哋家長點？小朋友點？」他又指立法會議員迫害他。「立法會議員又話我唔諮詢，即係白又係唔啱，黑又係唔啱，即係你講晒！」
被問及是否把學券制留等下屆政府處理，李國章未有正面回答，只說：「我只係知呢屆政府07年6月30日完結，我唔知道下屆政府點。」對於不上呈學券文件的決定是否已獲特首及行會同意，他說：「政府所有政策係一致，唔係一個人決定。」