司馬燕的9歲長子吳澋滔（Ian）憑電影《父子》在台灣金馬獎獲兩項提名，近日雖再獲片商邀請拍戲，可是司馬燕已婉拒好意。從3歲開始便學習打網球的Ian表示對拍戲興趣不大，將來只想當網球明星，並視偶像費達拿（RogerFederer）為目標。
司馬燕長子吳澋滔早前被導演譚家明看中，邀請他參演電影《父子》，扮演郭富城和楊采妮的兒子。初登銀幕的Ian不但沒有怯場，還憑該片在明晚舉行的台灣金馬獎獲兩項提名，分別是最佳男配角和最佳新演員，司馬燕一家更會出席明晚舉行的頒獎禮為Ian打氣。
「Aaron對我好好」
城城在《父子》中扮演爛賭父親，太太楊采妮感到心淡離開，他惟有父兼母職帶着兒子Ian生活。現實中，Ian家境富裕，司馬燕表示平時做慣大少爺的Ian，正好藉這次拍戲機會，好好學習與人相處之道。
兩母子日前一起打網球，從3歲便開始打網球的Ian，球技相當不俗。問他可愛上拍戲，Ian童言無忌的說：「我唔鍾意拍戲，我鍾意返學多啲，因為可以同同學一齊玩。不過今次拍戲，Aaron哥哥（郭富城）對我好好，佢好錫我，我好鍾意同佢合作。」
攞獎只當回憶
問Ian可有想過將來當明星？他說：「冇呀，我比較鍾意打網球，我會視網球明星RogerFederer（費達拿）做目標，佢先係我心目中嘅No.1。」
司馬燕表示從來都讓兒子自由發揮，她說：「呢次接戲主要係因為角色有發揮，拍完呢部戲已經有人再搵佢，但暫時都唔拍住。至於金馬獎攞唔攞到獎，對佢嚟講一個獎座唔係咁重要，又唔可以當飯食，攞到咪當一個回憶，攞唔到佢都賺咗個學習過程啦！」
採訪：比華利 攝影：陳志嵐
