陳苑淇（Jolie）早前因其經理人公司轉戰內地，將香港公司結業，頓時加入失業大軍，不過此事令Jolie變得更成熟，並高呼：「我死唔去。」現在她積極拓展內地市場，希望殺出一條血路。
陳苑淇早前遭逢經理人公司結業，前路茫茫，難怪自歎厄運連連，她日前說：「有個相士同我講，話我呢幾年會比較運滯，仲話我一啲橫財運都冇，叫我千祈唔好賭錢，要到26歲後先好啲。」
只喊過一次
Jolie起初也不太相信，但入行兩年便轉過兩間公司，令她不禁大呼黑仔：「起初入環球，同李克勤合唱咗首歌《合久必婚》，反應都唔錯，點知就撞正公司大地震，之後去咗陳少寶間公司，以為好好啦，得一個歌手，萬千寵愛，點知最後都係執笠，真係覺得自己幾黑仔。」
雖然現在沒有經理人，但仍然有人找Jolie工作，她說：「原來我仲有生存價值，仲未死得，有唔少朋友幫我，好似前公司個助手，都會私人幫我接工作，遲啲我仲會返廣州做節目主持，其實內地市場真係好大。」
問Jolie有沒有怪過陳少寶？她說：「我冇怪過佢，𠵱家仲有聯絡，佢始終都係第一個賞識我嘅人，只係我際遇嘅問題，其實我只係為咗呢件事（公司倒閉）喊過一次，之後我只係諗做人係要積極啲。」
採訪：胡比 攝影：陳順禎
服裝提供：ArnoldPalmerJunior
