李安導演嘅新戲《色，戒》𠵱家喺上海拍緊，因為個古仔係以抗戰時期做背景，所以李安早排已經喺上海四周圍睇景，物色一啲戰前建築物好似重慶公寓咁，重塑70年前嘅上海風情。
庹宗華專訓特工
日前李安拍攝一場訓練特工嘅戲，演出者有王力宏、湯唯同吳倩蓮嘅前男友庹宗華，至於男主角梁朝偉就唔見人。
庹宗華喺戲裏面飾演高級特工，負責訓練湯唯去暗殺漢奸梁朝偉。能夠同李安合作，庹宗華話當然好開心，仲話冇諗過呢位國際級大導會睇中自己，所以佢好珍惜今次演出機會。
有日唔使開工，李安又走咗去睇景，睇完景仲去俏江南食飯，原來湯告魯斯（TomCruise）都嚟過呢度食飯。當日李安選擇坐廂房，仲約埋湯唯一行約五人齊齊食，大約食咗三個鐘先走。
上海直擊
