搭咗十幾個鐘頭飛機，終於嚟到德國柏林，而任務就係測試全新BMWHydrogen7；呢部車同大家日常喺街見到嘅7系房車好唔同，皆因佢用氫氣嚟推動，完全符合對環保嘅要求。到埗當日，廠方用咗配備柴油引擎嘅7系房車嚟接載來自世界各地嘅傳媒，佢哋咁做可能係想我哋比較一下兩款車嘅乘坐感受；始終7系房車係BMW嘅旗艦車款，故此車廂寬敞舒適又豪華，隔音亦做得好好，就算用嘅係柴油引擎都唔覺得嘈。
無耐就到達位於KarlLiebknecht-Strabe3嘅城中人氣酒店──RadissonHotel，除咗嗰個經常用作電影布景、並設於中央嘅24米高通天魚缸矚目外，今日更搶鏡嘅就係BMW將1架十分科幻嘅銀色戰車放在大堂展出；呢架名為H2R嘅跑車，喺2004年曾創下最快車速氫氣車輛嘅紀錄，時速每小時達300km以上，是陸上的環保飛人，我們初嘗了這個頭盤，靜待明天與民用嘅氫氣7系房車交手。記者、攝影：陸伊琳
呢部外表看似普通嘅BMW7系房車，原來係用氫氣做燃料㗎！
