每年國際上都有眾多不同機構做大型全球性調查，但調查結果嘅差異亦可以好大，「攞命陳」陳德霖做主席嘅智經研究中心，就委託咗港大嘅MichaelEnright教授，就涉及香港經濟競爭力嘅唔同報告作出綜合評估，佢分析香港嘅整體競爭力強勁，估計在全球頭10至15名之列，尤其喺亞太區內更在前列位置。
不過亦有較弱嘅環節需要留意，例如專業人才係經濟主要動力，但呢班人都嚮往優質生活，香港若果唔喺污染問題上多做工夫，點會留得住佢哋；仲有就係本港高等教育程度嘅人口比例，較泰國菲律賓都要低；政府缺乏內部研究調查人員，好多政策性問題依賴私人機構提供意見，但呢啲機構嘅意見係咪獨立先？商界嘅利益係咪等同全港嘅利益呀？呢啲都值得留意。
而喺眾多國際性調查報告中，佢認為由祖國社會科學研究院做嘅全球城市競爭力報告，可信性最高咁話喎。