李克勤近日熱播的新歌《天水、圍城》，連日來被網友批評歌詞有醜化及抹黑天水圍之嫌，更指此歌令樓價驟跌，故在網上號召天水圍居民聯同區議會禁播及要求唱片公司賠償。《天》曲填詞人林夕昨晚接受本報記者訪問時，表示曾做資料搜集，知道不少居住在天水圍的新移民的確欠缺經濟能力，少年犯罪比例較高，在特首曾蔭權的施政報告中，也曾承認城市規劃不完整。
「我一力承擔」
林夕說：「天水圍樓價偏低，新界西北地區升值能力有幾多？佢供應咁多，升得最快係山頂，賣一幅冇一幅，我係希望引起大家關懷、關注、關心，希望政府注意問題，點會影響樓價跌？黐線，呢啲係起碼嘅地產常識。」對於有網友指林夕因患情緒病告不入，故針對主唱的李克勤，林夕沒好氣地說：「點解針對李克勤？我建議李克勤唱嘅，要告我，歡迎告我，唔係我有情緒病，係網上有無知嘅人，有人誤會，我澄清，我一力承擔。」
採訪︰葉雪