黃聖依（左）同周星馳（右）嘅星輝公司單合約糾紛都拖咗一段時間，日前又有新進展。星爺旗下嘅星輝公司入稟控告黃聖依冇履行合約，單案日前喺上海市嘅第一中級法院審訊，但當啲記者去到庭外，先知呢單官司會喺內庭審訊，唔畀旁聽。至於黃聖依嘅經理人同星輝亦齊齊封口，話打緊官司，唔方便講嘢。