杜琪峯（左二）早排去咗日本宣傳電影《黑社會》一、二兩集，咁啱導演賈樟柯（左一）又去咗嗰邊宣傳《三峽好人》，阿杜識英雄重英雄，喺黑澤明電影主題餐廳設宴相約賈導演食飯，同時為《三》片喺內地上映擺酒慶功。阿杜同賈導演講：「中國電影不能只有張藝謀，《三峽好人》故事簡單，感情深厚。」賈導演就話阿杜係佢偶像，最鍾意阿杜嘅《鎗火》。