韋斯咸門將卡路爾上月中對樸茨茅夫之後就人間蒸發，正選位置都畀埋羅拔格連。原來，呢位前曼聯門將爛賭又酗酒，仲一度輸錢爭落隊友3萬鎊（約44萬港元）。周一佢請假去輔導中心洗心革面，領隊柏度同球會都好支持；如無意外，卡路爾今日可以恢復訓練，求大俠希望佢戒除陋習，攞番個正選席位喇！