龐約翰、柳傳志、田溯寧三人，究竟有乜共通之處？都係男人！？
在線嘅中環人應該知道，龐約翰（JohnBond）係滙控前主席，柳傳志是聯想集團創辦人，田溯寧則曾經擔任網通集團行政總裁。三人分別喺銀行、個人電腦及電訊業大名鼎鼎，但係龐約翰已經轉field，到英國Vodafone做主席，柳傳志現時已經退居幕後；田溯寧亦已淡出網通，改任非執董，最近忙於打理佢創立嘅中國寬帶產業基金。不過，可以肯定嘅係，佢哋三位都對亞洲區好熟悉。
於是乎，美國公司KKR就搵咗呢三位仁兄做資深顧問。
呢家公司屬於私人股本性質，投資者包括企業、退休金公司、金融機構、保險公司同大學基金等等，專門四圍狙擊收購唔同嘅公司，然後陪住班管理層湊大間公司。似乎，三位仁兄喺亞洲大展拳腳嘅野心都唔小呢！