近年香港唱片業低迷，歌手李蕙敏（Amanda）也轉行做中環OL，為鑽飾公司擔任推廣員。上周本報發現Amanda到中環新世界大廈上班，她接受訪問時，慨歎現今唱片業不景氣，歌手難撈，故才暫放下歌唱事業。
上周六（18日）下午約3時，一身OL打扮的李蕙敏匆忙現身中環新世界大廈，薄施脂粉的她穿上白恤衫襯黑色及膝裙，拿着公事包，直上大廈內的DiamaxHoldingsLtd.鑽飾公司。進入公司後，Amanda即走進自己的辦公室，與在場數名職員談了一會後，便一起研究珠寶，只見她認真地與同事不停商議及寫筆記，十分忙碌。
「斷job計冇花紅」
據知Amanda近日才轉行任職該鑽飾公司的推廣員，雖然是歌手出身，但她放下身段，與其他白領一樣過着辦公室生涯，就連周末下午也上班，非常勤力。
當日Amanda在上址逗留約一個小時後，便拿着公事包和大褸離開，記者上前問Amanda是否轉行做OL？她也大方承認：「我係返緊工，但唔算全職，係作多方面發展，我識呢間舖啲人好耐，都有帶朋友上去買鑽石，間舖啲人同我講，話不如一齊推廣鑽石，我應承咗，自己算係一個推廣員，我係斷job計，冇bonus㗎。」
「適當時間至出碟」
Amanda前年在中環投資開設時裝店，平日仍有登台演出。問她是否退出娛圈、轉行謀出路？她連忙說：「我永遠唔會退出，會出碟、拍戲、做騷，係𠵱家樂壇氣候變咗，𠵱家嘅歌手好難做，我暫時主力唔喺呢方面。我都有錄新歌，會喺適當時間至出碟，但唱歌係為興趣，我同普通人一樣，都要繼續工作同生活。」
採訪、攝影：娛樂突發組
