經典韓劇《冬日戀曲》播完好耐，但相關副產品依然陸續有嚟。日本方面將會推出一個標榜手工精細嘅裴勇俊figure，公仔仿照俊哥喺劇集入面嘅造型，再加埋張野餐枱同kiss雪人公仔，俊哥fans啲荷包又出血囉。另外，久未露面嘅佢下星期三會現身濟州島舉行嘅「韓流博覽會」，擔任剪綵嘉賓，但大會仍未公布當日嘅具體活動，以保持神秘感喎。