大都會中，遇上不少「奇奇怪怪」的人──即是「病者」。
在一家快餐店吃早餐，又見那四十多歲頭髮又長又油的女人，天天「上班」，佔坐角落位置，攤開一份免費日報，喃喃地讀新聞。她很勤力，也很認真。時而憤世嫉俗，時而搖首歎息，或點頭稱是，或嗤之以鼻──決非自語，卻與「對面」空氣交流：「抵佢啦，咁多錢重貪？梗係判監啦，你話係唔係？嘩！斬四刀都斬唔斷隻手？乜嘢刀嚟㗎？」
忽地又嬌俏地：「嘢──好衰㗎──唔信！」
她對着假想同伴七情上面，都不知多陶醉。
別以為「暗角」才見精神分裂。有一回在圖書館，阿叔跑到中心向下面幾層狂喊：「攞綜援？亂咁攞，冇得批！」此時身後一聲暴喝：「我昅咗你好耐！同我企響度！重走？人嚟！同我鎖起佢！」
擾攘一番。以為那是維持法紀的治安勇士？後來發現不過癱在電腦前有一搭沒一搭上網殺時間的無聊小市民。剛才分飾了英雄一角，自我滿足。