向來直率敢言的蘇施黃，日前在商台節目中狂踩容祖兒，指她演唱《我的驕傲》一曲中的英文語句發音不準，如「proudtoflyuphigh」的「up」變為「笠」，阿蘇更因此五度重播該曲，指出容祖兒的錯處，直言聽後令她感到火滾兼嘔血。
名嘴蘇施黃一向有碗話碗，上周三（15日）她在主持商台節目《是他也是你和我》中，談及香港人的英語水平時，忽然舉出容祖兒演唱《我的驕傲》一曲時的錯誤英語發音，狂踩她的英語令人嘔血兼火滾。
「聽親都火滾」
阿蘇在節目中提及有關香港人講英語的問題時，舉出容祖兒《我的驕傲》為例，她語帶激動地說：「我每次聽親呢首歌都火滾㗎！我會覺得容祖兒已經係相當有地位嘅一個歌手，阿姐級啦！呢首《我的驕傲》佢起碼已經紅咗啦！我唔知邊個produce呢首歌，係咪聾鬼咗啫？乜叫個I'mproudtofly『笠』（原曲為up）high，做乜fly『笠』high啫？個『笠』喺邊度？咁你話係咪慘呀？」之後重播了這句兩次。
「英文唔深嘅」
阿蘇更愈講愈激動，嚷着要工作人員找出其他錯處，她說：「有一個係仲難聽㗎，之後佢有兩個believe，其中一個係唱得好啲，個believe係一個長嘅『lieve』，唔係『belive』呀！我直情可以做容祖兒呀！你話係咪真係嘔血呀？一首歌咁簡單，啲英文完全唔深嘅，已經有兩個明顯嘅（指錯處），我覺得可以有好多空間去進步，有好多空間做好啲！」阿蘇更因此重複播了這句歌詞三次。
撰文：林妃
