香港名設計師協會成員陳禮善指出，反床既慳位又多變化，深受用家歡迎，但潛藏危機不容忽視。他表示，設計師在考慮款式設計時，須配合環境安全，反床如連同櫃身整個塌下，涉及力學問題。「如果造到『貼頂』（即櫃頂緊貼天花板），就應該唔會塌落嚟。如果唔造『貼頂』，就要用螺絲將櫃身背板鑲喺牆上，咁樣就唔會因為拉低床板而重心向前塌落嚟。」
提及安全性，陳禮善曾有切膚之痛，他指反床的配件「機關重重」，他曾拉下反床時，因較位螺絲突然斷開，被床板壓傷手指。他提醒用家拉下床板時，不應超過90度角，否則彈弓及螺絲容易斷開，形成另一個傷人陷阱。
除了反床外，鞋櫃、五斗櫃、神台櫃等也有類似拉出櫃桶和趟板的設計，如設計不周，重心傾前，與反床一樣具危險性，消費者購買時宜留意。