唔經唔覺，歐冠已到咗第5回合，簡單總結一下，強隊如車仔、拜仁、AC、里昂、皇馬、利物浦同燕豪芬，大部份都穩奪出線權，所以呢兩日都係小掂為妙。
阿仙奴今仗主場對住漢堡，算係抽到支好籤，後者4場全輸我諗都係無咩機會，叠埋心水踢聯賽護級好過。所以話今次阿仙奴應該取3分冇難度，實屬過關鐵膽首選。同組嘅莫斯科中央陸軍對波圖，現況對主隊有利，因為最後一場對住漢堡，只要盡全力踢，應該可以再拿3分，所以今場面對想搶分嘅波圖；我估應該係拖住放慢板，求和局收場最好，除非失咗波，唔係唔會點攻，呢啲咁嘅比賽，最大機會就係開細。
紅魔要贏波立威
曼聯上場爆冷輸波𠵱家出線不穩，雖然今次作客，但係諗諗吓下一場要對賓菲加，都有啲唔安唔樂，不如今次博埋贏波，等周日聯賽對車仔時唔使就住就住。講起車仔，周中作客不來梅後再作客曼聯，其實係有個藉口畀班波輸一場。除咗可以畀啲球員休息吓之外，最重要係隨時間接令巴塞出局，我諗摩連奴諗起都會笑。𠵱家好多大網如立博將不來梅贏波嘅賠率不斷調低。
謝利
立博亞洲區首席博彩顧問
電郵：[email protected]