梁朝偉、劉偉強和麥兆輝昨晚在觀塘出席商場亮燈儀式，現場播放了電影《傷城》的主題曲MV片段，不過偉仔所佔的鏡頭較少，對此偉仔着記者問劉偉強，但劉偉強則說：「如果有人不滿，咪喺第二度播多啲。」
梁朝偉早前缺席杭州《傷城》記者會，有指劉偉強因而扯火，斥偉仔不為電影宣傳有欠專業，昨晚偉仔跟劉偉強及麥兆輝一同現身觀塘出席「apm×聖誕天使之夢國」的亮燈儀式。大會安排偉仔乘坐紅色跑車於紅地毯進場，十分有氣勢。
亮燈儀式前，現場有Rosemary、Cara.G等名模化身天使行了一場珠寶騷。其後梁朝偉、劉偉強及麥兆輝進行商場亮燈儀式，吸引不少市民圍觀。
「啲嘢問番劉偉強」
現場播放了由何韻詩主唱的《傷城》主題曲《傷城秘密》的一分多鐘MV片段，不過片段中梁朝偉所佔的鏡頭比較少，反而着墨在另一男主角金城武身上。
問偉仔為何在大會播放的片段中，他所佔的鏡頭甚少？他笑言：「呢啲嘢問番劉偉強啦！」劉偉強則表示：「條片係音樂嗰邊剪，唔係我哋操刀，不過個片段只係喺今日用，如果有人不滿，喺第二度咪播多啲，平衡番。」對於此戲安排在下月21日在港上映，跟《滿城盡帶黃金甲》打正對台，問劉偉強的信心如何？他說：「打乜吖，以和為貴，有競爭先得㗎！」
祝女友得償所願
另外，偉仔被問到女友劉嘉玲憑《好奇害死貓》角逐本屆金馬獎最佳女主角，偉仔稱近日正忙於拍李安的《色，戒》，未能陪伴對方出席，他說：「我對佢有信心，希望佢得償所願。」
有否覺得嘉玲今次是遲來的提名？他說：「呢啲冇所謂，唔好畀壓力佢，我成日話有提名已肯定演出，講嚟講去都係嗰句，獎只係得一個，有時都要靠多少運氣。」
採訪：卓寶花
攝影：陳慧安
