要搵好嘢食，睇吓食晏邊度多人就實無錯，午市通常做熟客，要真係好味先多人長期捧場。早兩日午飯時間經過坑口村，見到金葉軒坐滿人，一人一碟泰式手撕雞飯，咁我都唔執輸叫番碟試吓，食完發現果然有料到。原來金葉軒的手撕雞是將新鮮雞用上湯浸足一個上晝，難得又嫩滑又有雞味。至於雞油炒飯一啲都唔油膩，我最欣賞佢嘅醬汁，酸得來不澀，仲帶點清甜，泰國師傅話要用新鮮青檸汁、生蒜、黃薑、泰國辣椒以秘製方法溝埋先做到呢個效果。午市時間泰式手撕雞飯$32送例湯兼送茶，大碟夾抵食，怪不得每日一個LunchTime就賣70碟！
記者︰林思樂
金葉軒（23355099）
地址：將軍澳坑口村25-26號地下