香港居住環境狹窄，近年愈來愈多家庭選擇訂造可摺合的傢俬，取其「慳位」實用。有讀者家中訂造了一座衣櫃連反床，日前拉開床架時，整個衣櫃突然傾前塌下，撞傷其右腿。經檢查發現是家具安裝時沒有用螺絲將櫃身背板裝貼牆身。有業內人士指出，有拉出櫃桶或趟板的傢俬，設計時必須避免重心傾前，消費者購買時宜留意。
讀者溫女士早前懷孕，為準備迎接新生命，特安排裝修家居，並於3月時向「HouseOne家居設計」店訂造多款傢俬，包括主人房床連地台、衣櫃連反床、電視櫃、茶几、梳化、衣櫃連書枱等，合共40,000多元。其中衣櫃連反床是一座高近6呎半、長6呎多、上方是固定衣櫃、下方可把一張3呎乘6呎單人床反入櫃或拉出供就寐的傢俬，行內人簡稱「反床」。由於要遷就分體式冷氣機，故「反床」沒有貼頂。
溫女士表示，為免腹中胎兒「小器」，她在今年6月初誕下BB後，才讓裝修工人動工，並於7月底裝修工程竣工後，才讓HouseOne職員上門度尺寸造傢俬，「我訂造張反床連衣櫃，放喺BB房，係諗住第時請到工人嗰陣畀工人瞓，張床喺8月中至送嚟，當時師傅將一件件板嵌成個櫃同床，冇為意穩唔穩陣，而呢三個月我只係用上邊衣櫃擺BB嘢，上個月有親戚嚟住，我至試過拉張反床落嚟用。」
雜物阻擋撿回一命
豈料日前溫女士拉出床架以便抹塵時，上方衣櫃突然傾前塌下，衣櫃內的東西紛紛跌出，「當時只不過將反床拉落少少，衣櫃就突然塌落嚟，好彩有張BB床頂住，另一邊就有幅掛牆畫『棘』住，而且喺衣櫃擺放同跌出嚟嘅物件只係啲BB衫、尿片，至冇砸死我。」事發後溫女士即時拍下現場情況，並向本報提供相片作證明。
是次意外引致溫女士的右腿撞傷，右腳膝蓋以下有大片瘀傷，她向跌打醫師求診後，目前仍感痛楚，走路一拐一拐，她歎道：「估唔到張反床咁唔安全、咁唔穩陣，我仔細檢查過，發現師傅嚟安裝嗰陣又冇上螺絲將衣櫃嵌實後面幅牆，所以會跌落嚟。」
店方指客使用不當
HouseOne家居設計負責人梁小姐稱，該店並非第一次為客人訂造反床，過往無論為客人訂造任何高度的反床連衣櫃，都沒出現問題。她認為今次事件，與溫女士不適當使用反床有關，「佢拉張床出嚟，唔落床腳（把活動床腳拉出，放在地上，以助承托床架），就會翻（床）。」梁小姐表示，可安排師傅上門為溫女士的反床裝螺絲嵌貼牆身，以加強安全。
消費者委員會發言人表示，消費者光顧店舖訂造傢俬時，宜保留有關設計圖，並寫明用料、尺寸等資料，作為日後有需要追究時的理據。該會近年接獲與訂造傢俬有關的投訴數字，主要涉及拖延送貨、貨不對辦等問題。
檔案編號：1113015
