「其實係一個大鞋盒，你叫啲人點接受到吖？」曾與政府討論引入紙棺材的殯儀業商會理事長吳耀棠解釋，紙棺若要製作精美，手工相當昂貴，他已向食環署反映「冇得做」。他不肯透露木棺與紙棺價錢的差異，但指同一個款式的棺材，由紙造的成本會較木貴得多：「用木造我哋可以做到個外形好美觀，可做圓邊、一級一級又得，但用紙造，就算做番一個普通棺材款，都貴過用木造，加上唔係個個接受到，起碼𠵱家都未有人主動問。」
他強調，現時火葬用棺材的木板一般不會利用名貴木材，通常是空心木板及夾板，「已經好環保。」
堪輿學家：環保又省錢
堪輿學家蘇民峰及李丞責均認為使用紙棺不會影響後人，蘇民峰說紙棺既環保又省錢：「火葬應該一切從簡，你買副幾靚嘅棺材都好，都只係派頭，做畀生人睇，對先人唔會有影響。」
李丞責則說，以火葬而言，靈灰位遠較棺材重要，紙棺好處是令火化後骨灰更純淨。惟土葬則不宜用紙棺材，因為先人遺體保存得愈久，對後人庇蔭愈大。
不過，另一堪輿學家區仲德則稱，即使棺材用作火化，仍屬先人住所，必須堅固和安穩，否則或會影響輪迴轉世。
新聞資訊研究組