雖然警方已廣泛宣傳，但仍有市民被「祈福黨」騙財，有犯罪學家坦言騙徒通常針對事主特別關心家人的心理落手。堪輿學家則強調，單憑氣色觀察個人甚至其家人運程，「係好難嘅事，冇乜可能得」，呼籲市民提高警覺。
拜神長者為目標
犯罪學家黎定基指祈福黨騙徒手法很舊，但「橋唔怕舊，最緊要受」，他分析很多事主都是長者，教育程度偏低和較相信命運：「你有幾何聽過有後生一代被騙？或者其他宗教信仰嘅人被騙？多數都係啲平時拜開神嘅長者。」
黎定基說，中國人家庭觀念很強，十分關心下一代的健康，很多長者會透過拜神，祈求合家平安。他認為警方和老人中心應教育長者祈福黨的犯罪伎倆，提防他們被騙。
至於作法祈福，堪輿學家麥玲玲表示，人的運勢需從多方面看，包括陰宅及陽宅風水、命格及氣色，並非看一眼就可看得出：「睇氣色要經嚴格訓練，仲要朝早一起身未刷牙洗面嗰刻先睇到，如果有人晏晝望你一眼就話你有嘢，唔使諗，一定係呃你。」
她又指，為財物祈福根本無意思：「就算真係祈福都唔可以假手於人，要你自己親自做善事先得，點可能幫啲錢作法就改到運呢？拎啲錢去做善事仲實際啦，咁先係行善積德。」