幾時都話㗎仔多計，睇完以下呢條放喺Youtube嘅短片，包你都話佩服得五體投地；話說早前網友francis，喺FriendEarth開咗1個名為「日本人奇怪的發明」嘅Topic，入面Post咗一段片，有幾奇怪？開嚟睇第一個鏡頭只見有位阿叔坐住架綿羊仔，無咩特別，但睇埋落去，先知原來呢架並非普通電單車，而係一架無車轆但有4隻腳嘅電動電單車，唔係講笑，就咁睇下面，仲以為係有兩個細路匿咗喺入面托住個殼嚟行。但咁都仲未夠爆笑，最搞笑係側面條死氣喉，居然同真車一樣會一路行一路噴煙，望落又真係幾鬼似。家陣全世界都話要環保又要節約能源，各國政府唔知有無興趣向呢位發明家仁兄買個版權，然後大量生產呢呵？
記者：黃婉冰
網址：www.friendearth.com/vid/21244.html