「一次過食四磅半（約兩公斤）嘅嘢入肚，一般人做唔到，加上佢哋吞嘅唔係食物，難吞好多，同埋真係好危險。」立法會醫學界議員郭家麒表示，一般人進食24至36小時後便會排便，但由於運毒人士不吃不喝，加上又服用止屙丸等藥物，因而可令毒品留在體內時間延長。
郭家麒說，運毒人士不吃不喝是為了減少腸胃蠕動機會：「佢食嘅唔係食物，所以胃同腸都唔會郁得好勁，而佢唔飲水唔食嘢，就係唔想刺激佢郁。雖然保鮮紙等包裝消化唔到，胃酸唔會揦穿，不過風險仲係好高，有可能毒品同毒品互相磨穿、包得唔好都會出事，咁高劑量一定後果嚴重。」他說，正常人胃部只可容納半公斤至一公斤食物，今次運毒人士要在上機前短時間內吞服三、四倍「食物」，明顯是要經過訓練，雖然吞服後從外表難以察覺，但由於胃部會感不適，以及要承受很高風險，部份人難免顯得神色慌張。
新聞資訊研究組