馮德倫日前專程往美國出席好友新超人班頓羅夫（BrandonRouth）主演電影《超人——強戰回歸》（SupermanReturns）的DVD發行派對，他表示跟新超人相識於微時。
爆窮到燶
馮德倫說：「我以前喺洛杉磯讀書時同佢嘅經理人同房，大家好friend，當時Brandon都未紅，仲喺酒吧做緊酒保，佢當時真係窮到燶，連卡數都找唔到，佢嗰時萬聖節就係去扮超人，但估唔到𠵱家做咗真超人，佢引證一樣嘢，只要有希望，終有一日可以夢想實現。」
問馮德倫跟對方如此老友，可有考慮進軍荷李活，跟對方合作？他笑說：「佢淨係做超人，都仲要做多六、七年，到時睇吓啦，不過戥佢開心，始終捱咗咁耐。」
採訪：馮美茵