樂基兒日前以女主人身份亮相男友黎明（Leon）嘅音樂特輯《緣邀知音》首映禮，確定「黎明嫂」地位。前晚黎明嫂幫名牌Loewe行完手袋騷之後，好sweet咁接受傳媒訪問，仲用埋「男朋友」、「Leon」等字眼，正式承認戀人身份。
提舒淇封嘴走人
講到早年幫《東西》雜誌拍嘅裸照，樂基兒話：「我嬲過我男朋友呀，張相係好耐之前影，當年好多人睇過，報紙又登過，冇人reallycare！點解當我男朋友係藝人嘅時候，𠵱家又摷番出嚟呢？」問佢唔怕陸續有嚟咩？佢話：「冇㗎喇，it'snotashame，我唔覺得錯，張相只係騷我身體線條，冇啲你哋唔應該睇到嘅嘢。我冇露任何嘢，我諗冇男朋友會鍾意有人拎住啲相，追住嚟問呢個話題，Ifeelverybadforhim！」
講到話樂基兒受黎明fans歡迎，佢話：「我唔知啲fans係咪接受我，佢哋去支持Leon，我都係一樣理由，我係model界，唔知點樣畀到支持，所以我買咗10張飛，出現同支持吓。佢哋工作得好辛苦，我好為我男朋友驕傲！」不過一講到Leon嘅歌迷唔接受舒淇，樂基兒就即刻封嘴走人。
至於Leon噚日出席喺港台舉行嘅「世界和諧日啓動禮」，佢一坐低做訪問就話：「今日除咗講大家好之外，冇嘢講。」問Leon最近英文水準係咪好咗？佢話：「多餘嘢，唔好講。」講到話班fans好接受樂基兒，Leon就話：「呢個活動justtosayhello。」之後仲即刻起身想走，結果要記者再三安撫先肯乖乖坐低。
