鄭中基（Ronald）日前為初次執導的賀歲片《心想事成》睇景，走遍百貨公司、街市和碼頭，更拿着相機不停影魚檔阿嬸和豬肉佬。在片中扮神仙的Ronald在電影中還有個新突破，他說：「最突破係我會變成一個靚仔。」！
鄭中基近日升格做導演，處男執導賀歲片《心想事成》，自編自導自演，除了Ronald自己外，還找來梁家輝、毛舜筠、方力申和梁漢文等參演。Ronald對該片非常緊張，晚晚捉着有份編劇的葉念琛開通宵會，日前還特地走遍多個地方睇景。
日前Ronald身穿中袖T恤，頭戴賊仔帽，與葉念琛和工作人員在金鐘西武出現。眾人穿梭服裝部、精品部和化妝品部，Ronald邊走兼拍照，又與工作人員討論場景，其間聽到Ronald說着他天馬行空的想法，他指手畫腳說：「喺商場入面，突然滿天飛雪，哈，真係諗都諗唔到。」說罷還自顧自儍笑。
推出攝影集
之後Ronald等人往鵝頸橋街市，雖然傍晚時分人頭湧湧，但不礙其雅興，見他對魚檔和豬肉檔特別有興趣，又狂為檔主拍照，逗留約半小時後，Ronald再到香港仔碼頭，眾人登上小船，還找來女工作人員和男船家，站在另一艘船上當模特兒。
Ronald昨日在電話中透露在片中有突破性演出，他說：「我會變成一個靚仔，係咪好突破呢？」Ronald表示在片中扮演神仙，到凡間為一個家庭處理問題，劇情搞笑又溫馨，他說：「我由部戲籌備到拍晒，會一直自己揸機影相，之後出本攝影集，同大家分享做導演嘅心情同過程。」
採訪：王連連
攝影：陳慧安
