歐陽震華（Bobby）、王喜、蒙嘉慧（YoYo）、楊怡和夏雨昨日在將軍澳電視廣播城為無綫新劇《茶煲爹哋》試造型，Bobby跟YoYo經常合作，已十分稔熟，故他肆無忌憚大談YoYo與鄭伊健的戀情，他說：「佢要我話佢靚咗，係啦！有愛情滋潤。」
怕被奚落演技差
Bobby又大聲問YoYo可有北上探伊健班，令她不知如何是好，只好衝前拍打Bobby還擊，Bobby說：「我同佢咁熟，唔開佢玩笑點得，開佢拖都得。」
Bobby在新劇中飾演爸爸，Jacky仔則飾演他的兒子，Bobby說：「我對住Jacky仔，最驚佢奚落我，話我啲戲唔得。佢真係好犀利，唔係一個普通小朋友，佢入廠唔使帶劇本，因為佢喺屋企已經背晒，仲排埋位。我唔記得佢就提我，帶住我做戲。」
此外，YoYo昨日又與陳豪到中環為某電訊公司宣傳手機，她表示從前不懂用電話發電郵，幸得朋友教她，至於會否將新產品介紹給伊健，YoYo說：「我啲朋友識啲科技都比我快。」
採訪：楊潔雯、張俊銘
攝影：葉君海
