前晚馮仁昭撞到何超儀同一個女性朋友喺中環一間大型超市掃貨，揀咗啲炸魚柳同中價牛扒，之後去到賣湯料嘅攤檔試飲，又不停問啲材料點樣配搭、功效係乜，之後就買咗包湯包，睇嚟準備煲老火靚湯畀老公陳子聰飲。估唔到身為何家淑女嘅超儀淨係喺超市掃貨都掃咗成個鐘，埋單過千蚊，之後拎住一袋二袋坐車返屋企玩煮飯仔。