向來韓國和日本整容風氣盛，近日呢股熱潮吹到香港，除早前樂基兒公開承認自己隆胸外，近日就有打正旗號為整容中心作代言人的Lydia（丁嘉兒）。咪以為整容好大件事，𠵱家好多女仔茶餘飯後嘅話題再唔係敢唔敢整，而係邊間整容中心最平最好。整容潮咁熱，人工美女可能隨時喺你身邊！
記者：林佩婷
攝影：伍慶泉、陳偉強、何家亮
服裝：Generation（28810812）
Case1
16萬人工美女 28AA勁升32D
講到近期最hit嘅整形代言人莫過於Lydia，自從她公開整容後，就做了幾本雜誌封面。Lydia分兩次做了割雙眼皮、瘦面、隆鼻隆下巴、隆胸和激光去斑脫癦，可謂工程浩大。「最初只想隆胸，後來和醫生討論後，決定做埋面部整形手術，將圓面變成瓜子面。」問到她最滿意邊部份，她毫不猶豫答：「當然係個胸啦，以前係28AA，𠵱家係32C，再加上兩個月按摩療程，可以去到32D！最初1個星期會有啲唔習慣，痛咗3日就冇事。整完1個月後，𠵱家覺得好自然。」
信心爆棚 Job接Job
很多人對整容敢做不敢認，但Lydia不理別人指指點點：「當初媽咪都會擔心，但當佢聽醫生解釋清楚後就完全放心，我啲朋友就覺整得好自然。最重要係原本每月只接3-4個job，隆胸後工作已排到12月。雖然有雜誌話我有男友，但事實我係單身。有冇人追？我真係冇留意喎。」
記者親身驗證
記者獲准用手感覺隆胸後的手感，摸上去果然很柔軟，唔似放咗矽袋。
男人喪昅
注意要點
1.隆胸前要留意自己會否有敏感症狀。
2.隆胸手術的傷口在乳頭，乳頭皮膚較薄，復原過程可能較痛。
3.割雙眼皮手術最好於40歲前做，因為皮膚有彈性，否則效果未如理想。手術後亦不宜化妝，以免傷口受感染。
4.若有心臟病、哮喘等病，最好和醫生討論手術風險。
16萬有數得計
Featherlift羽毛線勾雙眼皮 $22,500
注射透明質酸隆鼻＋隆下巴 $34,800
Botox瘦面 $11,400
SiliconImplant無痕乳暈隆胸 $60,000
Medlite激光去斑 $5,200x6（療程） Medlite激光脫癦 $1,500×2
總數：$162,900（包括醫生覆診及後跟進）
查詢：82030900（DRREBORN）
Case2
加高鼻樑 唔使半粒鐘
Yami是標準東方人方字面形，腮骨大，鼻樑扁。她說：「我雖然有想過隆胸瘦面，但始終驚效果好假。後來發現有透明質酸可以整高個鼻，且冇副作用，又唔係永久性，對我嚟講好吸引。最重要係過程簡單方便，唔使30分鐘就搞掂。返到屋企，家人覺得我唔同咗，但又講唔出哪裏不同，朋友就覺得我靚咗。」
變身過程
質酸填充原理
注意要點
1.打針後約3至4日內不要戴眼鏡。
2.打針後2星期內不要做面部按摩。
3.打針後約9個月內不宜做激光或彩光手術，以免影響質酸吸收。
4.孕婦、長期病患者及對藥物敏感人士不宜注射。
Case3
密謀再整下巴
任文職的Alex打透明質酸隆鼻約2個月，他說打後覺得自己面形更好看：「我以前個鼻唔夠直，所以用最方便嘅打針方法。初初打有少少痛，不過可以接受。打完後同事覺得好自然，唔覺我做過乜，只係話我好睇咗。下一步我想整下巴，令佢再兜一點。」
人體也有透明質酸
透明質酸的價錢每針約$5,000至$7,000。據Dr.鄭說：「人體組織如皮膚、骨骼等都含有透明質酸，若減少會容易令皮膚老化。現時人工製造的透明質酸經過嚴格工序，確保無菌，唔易引起過敏反應。這種填充劑打入皮下組織，增加皮膚體積容量，除可提升鼻樑，改善下巴、嘴唇及皺紋，效果約可維持6至9個月。」
查詢：[email protected]（28329943）
名模反對
陳嘉容：我贊成在必要時好似毀容先要整，希望盡量用天然方法保持容貌。
楊崢：我自己唔會整，因為怕痛又違反自然，短期冇事但將來唔知要付出乜嘢代價。
敢唔敢整？靚就得喇！
Kelly（文員）：我唔反對整容，最想整個鼻同下巴。
余小姐（學生）：樣係阿媽生出㗎，唔應該改變。
譚生（文職）：只要過到自己就得，我都有諗過整靚塊面。
阿Sa（美容顧問）：我覺得Lydia好靚，有機會我都想整鼻、瘦面和雙眼皮。
Kaka（學生）：Lydia整前整後變化大，我唔反對人哋整，自己就唔敢整。
