正版哈利仔同張秋拍攝接吻戲，真係令我呢個港版哈利仔非常羨慕。不過聽到傳言話佢為場咀戲NG咗30次，又令我懷疑係有心定無意，畢竟哈利仔都仲係只得17歲嘅血氣方剛青年。
下年7月上映嘅《哈利波特》（HarryPotter）電影第五集《鳳凰的密令》（OrderofthePhoenix），最令fans期待嘅就係「哈利仔」丹尼爾拉德克里夫（DanielRadcliffe）同「張秋」梁佩詩嘅接吻戲，呢幕萬眾矚目嘅絕密初吻場面，噚日正式曝光。
早前有報道指丹尼爾拍呢場戲足足咀咗30次，佢話只係記者誇張︰「通常拍戲，每場都要拍好多個take，但一定冇30次咁多，不過夾埋晒所有拍出來嘅鏡頭角度，或者都會夠數嘅！」丹尼爾仲話，如果要同一個自己唔鍾意嘅對手拍接吻戲，一定會緊張到崩潰，言下之意即係話佢對梁佩詩有好感啦！昨日新一輯劇照當中，有唔少爆炸特技場面，相信今集嘅劇情將會更刺激。