公仔箱小生「唱K」今年真係黑過墨斗,雖然公司好想捧佢上位,奈何佢為人冇嚟大方,搞到次次見人都笑話成籮,失禮街坊,但「印娃」對佢情深一往,硬係對佢不離不棄,都算有情有義。之不過唱K又點會為一棵樹放棄一片森林吖?原來佢早排拍戲時,對「紙鈴」生滋貓入眼,成日打電話畀人哋,話印娃黐住晒,又話同佢性格唔啱,其實講嚟講去咪想博同情,借啲意約紙鈴去街,好彩紙鈴同印娃向來都有兩嘴,知道唱K同印娃仲有一齊,所以佢諗都唔諗就請唱K食檸檬。