陷於低谷的馬賽，周日在法甲聯賽事主場升班馬華倫西恩斯，雖然有主力列貝利因傷缺陣，但憑尼安、馬奧利達等國腳攻擊好手級數，仍足以大勝反底，1.5倍主W固然要捧，馬賽讓一球仍要堅持上盤。（球賽編號：星期日44；無綫收費電視26台及now826台明日4:00am直播）
上仗負里爾欠運
馬賽近期可謂「黑過墨斗」，聯賽4連敗並跌至第8位，亦因球迷生事，今仗被判罰閉門作賽，主力翼鋒列貝利亦因傷今仗缺陣；以馬賽集萬千輸波藉口在一身，莊家仍開出主隊讓一球，似乎買下盤有贏無輸。
但其實馬賽雖已4連敗，近期表現已有明顯改善，上仗作客里爾，失波前不乏入球機會，只是尚欠球運。今仗馬賽缺列貝利，不過好手如雲，尼安、馬奧利達、泰禾等國腳級數，仍遠超對手。
華倫西恩斯今季升上甲組，漸見「唔夠班」，作客戰績尤其差勁，作客已6連敗，甚至對尼斯、羅連安特等下游對手亦全失3分，今仗更有利朗、法真斯等後衞因傷缺陣；面對急於求勝的馬賽，料難逃大敗命運。
歐塞爾勢頹讓唔起圖軍
同日另一場法甲早場，圖盧茲作客勢頹的歐塞爾，有望保不敗，受讓平/半可捧下盤（球賽編號：星期日35；無綫收費電視26台及now826台明日1:00am直播）。歐塞爾分心聯賽及歐協盃，已見力不從心，近7場不勝，周中更要出戰蘇超勁旅格拉斯哥流浪。圖盧茲作客戰績不俗，有力挫里爾、迫和里昂等紀錄，受讓可博。
文：牽牛