話Charmaine鍾意煮嘢食，真係無呃你，言談間講到有關煮食嘅話題，佢都興奮不已。西餐、日本菜都係佢拿手好戲：「我細個喺美國長大，11、12歲左右已經常去超級市場買嘢返屋企煮，而且媽咪煮嘅中、西餐都好好味。」一年前加入city'super，Charmaine負責每星期嘅烹飪班，每次都要諗新菜式，「舊款嘅菜式未擺入口已經知係乜嘢味，毫無新意。所以我會不斷睇書睇電視攞靈感，但一定唔會抄人哋嘅菜式，而且我自己都享受創作嘅時刻。」
講起點解得咁少女廚師，興男廚師有何不同時，佢答得斬釘截鐵：「無！」我問辛苦嗎？「一啲都唔辛苦，洗碗都好Enjoy，甚至倒垃圾我都開心，因為我可以睇吓有乜嘢浪費咗嘅材料，我就會諗下次點樣可以將材料盡用，所以倒垃圾都係學習過程。」相信Charmaine擁有開朗性格，「唔只呢行，做乜都係，有開朗性格一定無蝕底！另外仲要接受新嘗試，咁先可以做到更多美味嘅菜式。」
記者：黃若茵
攝影：何家亮
香焗鵝肝
Charmaine：「煎鵝肝太悶，成件焗一樣咁香口！」整件鵝肝約800克重，以澳洲海鹽醃過，輕輕煎過後放進180℃焗爐焗10分鐘便可。
烤鵪鶉伴黑松露千層麵
用蒜頭及原條百里香釀入鵪鶉中，用180℃焗15至20分鐘至全熟。旁邊伴以用香草及橄欖油煮過嘅千層麵，再加幾片黑松露增加香氣。
city'super（26930666）
地址：沙田新城市廣場1期2樓
註：以上菜式均為烹飪班中的菜式，每次烹飪班收費約$350至$500。