啱啱喺九月舉行過演唱會嘅草蜢，將會喺星期五同六（24及25日）喺澳門著名金沙娛樂場舉行兩場「草蜢永遠愛着您06演唱會」，聽日草蜢三子就會現身金沙娛樂場舉行記者招待會，隆重其事咁宣布呢件事。今次係金沙首次搵香港藝人去表演，表演場地嘅貴賓廳非常雍容華貴，可以容納近七百名觀眾，聽講草蜢三子嘅一場歌酬都已有七位數字，出手好闊綽。不過今次演唱會只招待娛樂場嘅高級貴賓，普通市民無緣欣賞。