《沖》故事發生喺坑渠，除咗男女主角外，全片冇隻好鼠，隻隻勁衰。
蛤蟆大王TheToad
（伊恩麥基倫/秦沛聲演）
地下水世界最有財有勢、心狠手辣嘅坑渠大佬，因一段童年往事而痛恨老鼠，誓要將全城坑渠老鼠趕盡殺絕！
大番鼠儍強Whitey
（標尼菲/林曉峰聲演）
蛤蟆大王頭號馬仔，典型四肢發達頭腦簡單，撞板多過做衰嘢，由於曾任職洗頭水實驗室白老鼠，導致光頭、白蝕同弱智！
蠱惑鼠儍釘Spike
（安廸瑟克斯/錢嘉樂聲演）
自以為係冷血殺手，學人食腦度橋行蠱惑，實則只係初入行散打王一名，加上時運低，經常自食其果！
黑幫大佬法國蛙LeFrog
（尚連奴 聲演）
蛤蟆大王法國老表，充滿法式傲慢與偏見，寸人唔使本，不過實力雄厚人強馬壯，旗下有一大班蛙仔跟班。