內地股市今年升幅唔少，以升幅計算是全亞洲之冠，唔少散戶都心郁郁想入市，係《新浪博客》內金股網友就向啲想入市嘅散戶提出入市4大忌諱：
（一）過於分散持股。如果你有5萬，買兩隻就可以，如果你有10萬，買3隻股票已足夠。
（二）缺乏耐心，盲目追高或沽貨。選股要有階段性考慮，因為股市有波動，唔能夠漲一啲就因為怕跌而怱忙沽售，跌一啲就慌，跟着拋。買股票嘅時候就要做好可能下跌嘅思想準備，至於要預咗揸半年至一年時間，對一啲本質好嘅股票要拿得着，尤其係牛市條件下，否則你就係送錢畀證券公司。
（三）憑道聽途說選股。選股票一定要自己研究，了解公司過去幾年嘅業績趨勢及行業特點，要能夠說服自己，但唔能夠只有一個理由，要用多個理由。選股票時有啲情況下要逆向思維。大家都話好嘅時候反而要小心。有一件事好重要，係無只升唔跌嘅股票，好公司嘅股票大跌先至有大利。
（四）盲目將全部資金投入。不必一次過買多隻股票或一次過將所有資金押下，始終留低四分之一以上嘅資金比較好，作必要時補倉之用，或者有更嘅投資機會。