對於蔡依林在台灣個唱穿着多款性感舞衣玩體操，本地時裝設計師鄧達智昨日在電話中說：「其實佢個樣係少女Lolita型，近年佢明顯想走麥當娜（Madonna）嘅性感路線，不過道行當然未夠，出嚟似BritneySpears。今次嘅舞衣其實可以再SM多啲，可能佢上次G奶效應，今次反而縮咗一截，其實可以再盡啲。」
鄧達智認為蔡依林今次台北個唱的舞衣比香港演唱會的性感程度收斂，他說：「好似件灰白色縐褶背心襯條灰白短褲，條短褲好有事，成泡嘢，好似瀨咗屎咁；另外一件藍色吊帶閃石連身裙，好似齊腳泳衣，太保守；而黑色閃片長袖緊身短裙，着出嚟感覺好莫文蔚，不過莫文蔚嘅感覺就大都會一啲，蔡依林就台灣娘味重啲；仲有佢喺出面着咗一件白色荷花袖黑色珠片外衣，好似老咗30年，應該佢媽咪啱啲。」
採訪：梁錦雯