谷德昭日前被拍得在灣仔一商場內購買翻版色情光碟（俗稱3仔或4仔），其實販賣或購買這些光碟是否觸犯法律？記者昨日就此事向蘇富全律師查詢，他說：「賣四級影碟即係用嚟發布，咁就係犯法，因為根據香港法例第390章，淫褻及不雅物品管制條例嘅第21條，任何人發布淫褻物品或者管有淫褻物品以供發布，都已經犯法，最高刑罰係罰款100萬同監禁3年。至於買呢，法例就冇講明，即係唔係犯法，但就要睇下佢買咗之後係咪用來喺公眾場合發布，係就犯法。」
觸犯版權條例
另一法律界人士盧律師也稱：「翻版三級影碟（有打格仔）都極有可能會觸及淫褻及不雅物品管制條例嘅第21條，因為呢啲三級碟可能係未經電檢處審批，根本未定明佢嘅級別，即係任佢講係乜嘢級數。另一方面，佢係翻版嘅話，都會觸犯版權條例（香港法例第528章）第35條侵犯版權複製品，但呢啲就要個版權持有人起訴先得嘅，由海關去捉，假如冇版權持有人出聲嘅話，係入唔到罪。」