李彩華、肥媽及湯鎮業噚日去咗深圳，出席由佢哋做代言人嘅《變靚D》深圳旗艦店開幕儀式。李彩華透露日前佢喺廈門為唱片宣傳時，發生咗啲恐怖經歷，令佢猶有餘悸，佢話：「喺廈門原本要去出席一個唱片簽唱會，但後尾畀人車咗去一間美容髮型中心，現場有成近百名fans，我因為係一個美容產品代言人，所以唔敢落車，但期間就聽到有人用國語話『不下車，就不讓你走和不讓你回家』，嚇得我唔知點好。」最後糾纏咗一輪，李彩華答應開窗幫佢哋簽咗成近百個名，先可以甩身去到原本舉行簽唱會嘅地方。佢話好彩全程有個助手陪同先冇咁驚，而緋聞男友兼老闆蕭定一就冇打電話慰問佢。