陳氏父子囝囝好鍾意寶馬
「我同個仔喺第50屆嗰年嚟過，今次我哋仲落PIT睇，我就冇特別喜愛邊種車，但個仔就好鍾意寶馬。佢今年11歲，再大啲，我就會畀佢去玩cart車仔。」
梁小姐及李小姐鍾意場內氣氛
「自己係澳門人，今次約埋朋友入場，最鍾意呢到嘅氣氛，特別係喺賽車經過嗰種引擎聲。我哋啲朋友就鍾意睇房車賽，因為佢哋話有好多靚仔睇喎！」
胡先生房車賽多圈數好睇啲
「最鍾意睇房車賽，啲車又靚又快。𠵱家比賽圈數少，邊個起步好就決定咗勝負，有人覺得刺激啲，但我就覺得好悶，都係多啲圈數好睇啲。」
