甄妮前晚的「甄妮自然瘋演唱會」第三場尾場紅館演唱會，吸引了徐小鳳、賭王何鴻燊四姨太梁安琪和劉家昌等都到場欣賞。53歲的甄妮穿上性感低胸歌衫在台上載歌載舞，女兒Melody則全程拿着相機在控制台為母親拍照。
帶女探肥姐
費玉清和李玟擔任表演嘉賓，視甄妮為偶像的李玟穿上由甄妮送贈的皮草外套，跟她合唱歌曲《明日話今天》。
甄妮在台上對李玟說：「費玉清要開刀未必嚟到，所以搵咗幾個朋友隨時頂替，我欠你好大人情，請你隨時用我，要我抹地、抹窗洗衫乜都得。」李玟笑說：「我喺呢個圈冇乜朋友，冇乜所謂。」
甄妮唱《夢想號黃包車》時，現場有十多名歌迷上台坐黃包車，Melody也有份，有歌迷大叫Melody唱歌，甄妮有感而發說：「因為我錫佢，我唔會畀佢做藝人，做藝人面皮要好厚，我厚咗30年，我唔係影射邊一個，唔好出嚟挑嚟挑去，我指係挑釁個挑，唔係講粗口。」演唱會在晚上11時40分完結。
其後在慶功宴上，問甄妮會否再跟張耀榮合作，她說：「再講啦，好多嘢要再傾。」此外，昨日下午甄妮和女兒帶備鮮花往九龍塘沈殿霞（肥姐）的住所探望正在家休養的肥姐。
採訪、攝影：王連連、藍文浩、陳俊強
