噚日係韓星裴勇俊經理人公司高層結婚嘅大日子，可惜俊哥因忙於拍攝古裝劇《太王四神記》而無緣出席，令場外大班等睇俊哥嘅日本fans落空。但佢哋一啲都冇失望，事關噚日喺首爾華克山莊嘅婚禮會場紅星如雲，除咗蘇志燮、《宮》第二季女主角許怡才之外，近日負面新聞多多嘅權相佑都有出席，戴住黑超嘅佢因為遲到，所以同fans揮手後就急急腳入場。