備受強吻事件困擾的官恩娜（Ella）昨日出席「香港魅力長者慈善大賽」，對狂迷被判即時入獄兩個月，臉容略帶憔悴的她坦言放下心頭大石，而前晚Ella演出完酒吧騷後，就有數個酒吧職員護送她離開，怕她再被騷擾。
官恩娜昨日聯同容祖兒、Soler、鄭融、高鈞賢和葉翠翠擔任長者活動的嘉賓，Soler一見Ella便擁抱慰問。及後接受訪問，Ella被問到狂迷被判即時入獄兩個月，是否令她放下心頭大石？她說：「咁一定係，我份人好樂觀，唔開心嘅嘢好快會忘記，希望自己愈嚟愈好。」她又提到今後會放工作在第一位，又希望跟緋聞絕緣，她帶笑說：「我一直都最重視工作，希望緋聞、唔好嘅新聞全部告一段落。」
女fans痛哭
除了昨日的活動外，前晚官恩娜也在尖沙嘴演出酒吧騷。完騷後，她於凌晨約12時由經理人和5名酒吧男職員護航離開，人牆密不透風，其後便坐車到新城電台錄音約一小時。離開電台時，穿低胸裙的她被風吹起裙襬，幸她眼明手快按實裙子。
臨上保母車，在場有名女歌迷忽然哭起來，官恩娜即安慰對方說：「儍嘅，唔好咁傷心，唔好喊啦，OK？」接着她乘車返紅磡寓所，不過打扮性感的她，落車時被數名自由行男士回頭勁昅。
「藝人唔係物件」
此外，一眾藝人也非常關心Ella的狂迷被判監，Soler大孖Julio說：「就算𠵱家判佢（狂迷）坐一日監都好，佢一世都會有案底，其實呢樣嘢已經夠喇。」細孖Dino說：「今次件事畀咗個好清楚嘅訊息大家知，藝人唔係一件物件，唔好個個走埋嚟問都唔問聲就話要影合照，我哋都係一個人。」
容祖兒則指是小懲大戒，並說：「今次對市民嚟講已經係好大件事，希望大家引以為鑑，千祈唔好亂嚟。」
傅穎（Theresa）和楊愛瑾（Miki）前晚出席雜誌派對，Theresa說：「法律係公正，對方嘅行為令人髮指，我都試過被胸襲，好彩保安推開嗰個人，但就睇唔清楚對方個樣。」Miki則謂對方侵犯藝人是不當行為。
採訪、攝影：藍文浩、娛樂突發組
