噚日有雜誌報道話林峯喺北京拍攝無綫劇集《歲月風雲》期間，同緋聞女助手美美拖手食飯，身在北京嘅林峯噚日同馮仁昭傾開，佢話被影到嘅女伴係佢就讀北京演藝學院嘅堂細妹，嗰晚佢哋係出席監製潘嘉德生日會，所以全個劇組都知道佢呢位堂細妹嘅身份。林峯話啲相係角度問題，佢哋並冇拖手。