有線娛樂新聞台主播陳貝兒（左）早前去洛杉磯訪問周潤發，講到發哥今次喺新片《滿城盡帶黃金甲》飾演奸角，發哥話：「咁耐以嚟我只係做過一次奸角，嗰次係拍《小生夢驚魂》，做殺手；今次係第二次。」發哥仲話今次拍戲最考起佢嘅係要講捲晒脷嘅普通話，有時發音唔正，發嫂呢位私人補習老師就會好惡咁鬧佢：「咁大個人都讀唔到，都唔知以前讀乜嘢書！」