侍仔：隔籬茶記成日減價，10蚊一個午餐都做得出，真係唔知佢點做落去。
菠蘿文：減咪減囉，唔影響你贏波㗎。你有寬頻電視，佢又冇，第日客仔實去你度睇英超，唔去佢嗰間啦。
招積域：文仔講得通呀，英超最多人睇，有時周六、日又有早場，唔似西甲嗰類夜一夜先播，等到人都無心機啦。再講，賭波賭英超最好玩。
侍仔：裝咗寬頻電視又減價，情況咪又係一樣，唉！
招積域：你慌佢做得耐咩，減價唔使錢㗎？唔好擔心住啦，賭咗波先算啦。今晚我推介英冠主客和3串1：錫周三Wx修安聯Dx班士利D，都有30倍架！
菠蘿文：你轉死性玩低組別聯賽？真係難得。
冷敲韋斯咸W
侍仔：佢一定係聽咗唔知咩嘢莊家料，所以破例瞓身落去啦。我就要蘇超、西甲波膽3串7：鴨巴甸贏3:1x皇馬贏4:0x飛燕諾和0:0，中咗就過去隔籬包場！
菠蘿文：我仲有一條主客和3串1推介：查爾頓Wx韋斯咸Wx屈福特D，成170倍冷門貨！雷丁有「殺人王」史堤夫亨特同後衞辛高收到死亡恐嚇，主場出戰都一定嚇到腳軟，韋斯咸嗰場我只求爆冷，助曼聯封王一臂之力，屈福特和波專家，作客一定和局！
文：高洛文