過埋呢兩個星期，進入12月聖誕及歇冬前，英超聯嘅地獄賽程又嚟啦！我認為今晚曼聯將會失分，如果事成，下周曼聯對車路士會更加精采！
曼聯暫時領先車路士3分，不過，今晚之後，距離將會縮窄為1分，因為紅魔將會失分於錫菲聯！大家唔好被曼聯贏布力般同樸茨茅夫嘅假象呃咗！對住布力般只係僅僅熟，場波悶到飛起，冇乜板斧；至於對住樸茨茅夫，晨咁早博到個12碼，搞到樸軍亂晒部署先輸！我已經唔計歐冠盃同聯賽盃嘅表現，我認為曼聯今晚作客錫菲聯，主隊護級形勢有轉機，1分已經收貨，曼聯今晚有難。
冷敲安玻里破AC
呢期意甲首選AC，如果佢讓球，我要下盤兼開「細」，睇統計，AC嘅讓球盤路近來好差，大家可以留意。我會冷敲安玻里主勝，一嘗主場擊敗班霸AC！另一隊就係巴勒莫，呢幾場已經證明有能力爭聯賽冠軍，我一於追到佢輸為止！當然，羅馬亦都好穩陣，不過，「主客和」無肉食。由於羅馬後防經常失波，所以我會估入球「大」，波膽2:1、3:1。
周鵬
商業1台《球迷集中贏》主持
電郵：[email protected]